Helpline: 93623-73344

உங்கள் கர்ப்ப காலத்தின் முதல் மூன்று மாதங்கள் ஏன் மிகவும் முக்கியமானது?

நீங்கள் முதன்முறையாக தாய்மை அடைந்திருந்தால் முதல் மூன்று மாதங்கள் உங்கள் குழந்தைக்கு மிகவும் முக்கியமானது என்பதால் மிகவும் கவனமாக இருக்க வேண்டும் என்று அடிக்கடி உங்களுக்கு சொல்லப்பட்டிருக்கும். ஆமாம், அது முற்றிலும் உண்மை. 85 சதவிகித கருச்சிதைவுகள் முதல் மூன்று மாதங்களுக்குள் தான் ஏற்படுகிறது. அதனால் தான் கர்ப்பமாக இருக்கும் பெண்கள் முதல் மூன்று மாதங்களுக்கு மிகவும் கவனமாக இருக்கும்படி கேட்டுக்கொள்ளப்படுகிறார்கள். மேலும் இதைப் பற்றித் தெரிந்துக் கொள்ளவும் கர்ப்ப காலத்தின் முதல் மூன்று மாதங்களில் நீங்கள் செய்ய வேண்டியது மற்றும் செய்யக்கூடாதவை பற்றி தெரிந்துக் கொள்ளவும் தொடர்ந்து படியுங்கள்.

முதல் மூன்று மாதங்கள்

முதல் மூன்று மாதங்கள் வளர்ச்சிக் கட்டமாகும். இந்த காலகட்டத்தில் குழந்தை எப்போதையும் விட அதிவேக வளர்ச்சியை அடைகிறது. ஒரு ஒற்றை கருவுற்ற செல்லிலிருந்து உங்கள் குழந்தை கை கால்கள், உடலமைப்பு என்று மிகக் குறுகிய காலகட்டத்தில் ஒரு சிறிய பொதி போல வளர்ச்சி அடைகிறது. இந்த நேரத்தில் முக்கிய உயிர் உறுப்புகள் உருவாகத் தொடங்கும் மேலும் மூளை வளர்ச்சியும் அடையத் தொடங்கும்.

முதல் மூன்று மாதங்களின் முடிவில் குழந்தை ஒரு ஆப்பிள் அளவே இருந்தாலும் ஆனால் அப்போதே அடிப்படை இனப்பெருக்க உறுப்புக்கள், நரம்பு மணடலம் மற்றும் முக்கிய உறுப்புகள் உருவாகிவிடும். கைகால்கள், இதயத்துடிப்பு, விரல்கள் தலைமுடி மற்றும் கால்விரல்கள் கூட அதற்கு இருக்கும்.

உடலுறுப்புகள் உருவாதல்

முதல் மாதத்தில் இரத்த செல்கள் உருவாகத் தொடங்குகின்றன, செரிமான அமைப்பு, இதயம், காதுகள், கண்கள் மற்றும் இரத்த ஓட்ட மண்டலமும் உருவாகிறது.

இரண்டாவது மாதத்தில் நரம்பு, சிறுநீரக, இரத்த ஓட்ட மற்றும் செரிமான மண்டலங்கள் வளர்ச்சி அடைந்து வளரும் கருமனித வடிவத்தை அடையத் தொடங்குகிறது. குழந்தை அசையத் தொடங்கும் மேலும் இதயத் துடிப்பையும் கேட்க முடியும். ஆனால் இவற்றை எல்லாம் அந்த நேரத்தில் தாயால் உணர முடியாது.

மூன்றாவது மாதம், வெளிப்புற இனப்பெருக்க உறுப்புகள் உருவாகின்றன. விரல் நகங்கள், கால்விரல் நகங்கள் மற்றும் கண்ணிமைகள் கூட உருவாகி விடுகிறது.

இப்படி பல அதிவேக மாற்றங்கள் நிகழ்வதால், உங்கள் உடல் குழந்தையின் ஆரோக்கியமான வளர்ச்சிக்குத் தேவையான பாதுகாப்பான மற்றும் ஊட்டச்சத்து மிக்க சூழலை வழங்க வேண்டும்

குழந்தை வளர்ச்சி

ஊட்டச்சத்து பற்றாக்குறையால் ஏற்படும் கெமிக்கல் ரியாக்ஷன்களால், உள்ளாகுதல் ஆகியவை குழந்தையின் உடல் மற்றும் மன வளர்ச்சியை குலைக்கலாம் மேலும் கருச்சிதைவுக்குக் கூட வழிவகுக்கலாம்.

ஆரோக்கியமான கரு வளர்ச்சிக்கு நீங்கள் கூடுதல் எச்சரிக்கையுடனும், உங்களை அதிக அக்கறையுடன் நன்றாக கவனித்துக் கொள்ள வேண்டும்.

செய்ய வேண்டியவை

ஆரோக்கியமான வீட்டில் சமைத்த உணவுகளையே சாப்பிடுங்கள், வெளிப்புற உணவுகளில் தீங்கு விளைவிக்கும் ஃபுட் கலர்கள் மற்றும் இரசாயன சேர்மானங்கள் கலந்திருக்கும் என்பதால் அதைத் தவிர்த்து விடவும்.

ஃபோலிக் ஆசிட் மற்றும் விட்டமின் சப்ளிமெண்டுகளை எடுத்துக் கொள்ளவும்.

நிறைய பெண்களுக்கு அந்த நேரத்தில் அதிகமாக வாந்தி இருக்கும். எனவே அவர்களை விரும்பிய எதை வேண்டுமானாலும் சாப்பிடலாம் ஆனால் ஒரே நேரத்தில் அதிக உணவை எடுத்துக் கொள்வதற்கு பதிலாக சிறிய அளவுகளில் சாப்பிடலாம்.

சமச்சீர் உணவை எடுத்துக்கொள்ளுங்கள். உட்கொள்ளும் கலோரியைப் பற்றி கவலைப்பட வேண்டாம்.

உங்கள் உடலை புதுப்பிக்கவும் புத்துணர்ச்சி அளிக்கவும் முடிந்தவரை தூங்குங்கள்.

உங்கள் உடலுக்கு அதிகப்படியான வேலைப்பளுவை கொடுக்க வேண்டாம். உடற்பயிற்சியை தொடங்குவதற்கு முன் மருத்துவரின் அனுமதியை பெற மறக்க வேண்டாம். உடற்பயிற்சி செய்ய நீங்கள் அனுமதிக்கப்பட்டால் மெதுவாக வாக்கிங் செல்வது நல்ல யோசனையாகும்.

நீங்கள் செய்யக்கூடாதவை:

முதல் மூன்று மாதங்களில் கரு பாதிக்கப்படக்கூடிய வாய்ப்புகள் அதிகம். மேலும் கருச்சிதைவு ஏற்படும் ஆபத்துக்களும் இந்த முதல் மூன்று மாதங்களில் அதிகமாக இருக்கிறது. ஏனென்றால் முக்கிய உறுப்புகள் இந்த காலகட்டத்தில் தான் உருவாகின்றன, அப்போது இரசாயன நச்சுக்கள், மருந்துகள், சிகிரெட் புகை, மது மற்றும் கதிர்வீச்சுக்கு உள்ளானால் கருவானது பாதிக்கப்படும்.

புகை பிடிக்க வேண்டாம், புகையிலை மெல்ல வேண்டாம், ஆல்கஹால் குடிக்க வேண்டாம்.

மாசுபட்ட இடங்களில் இருக்க வேண்டாம் மேலும் அடுத்தவர்கள் புகைபிடிக்கும் இடங்களையும் தவிர்க்கவும்.

பூச்சிக்கொல்லிகள் மற்றும் உரங்களை கையாள வேண்டாம்.

மூலிகை மற்றும் இயற்கையான அழகு சாதனப் பொருட்களையே பயன்படுத்தவும்.

மிகவும் எச்சரிக்கையாக இருக்கவும். மேலும் எதற்கும் பயப்பட வேண்டாம், உங்களுக்கு ஏதேனும் சந்தேகங்கள் ஏற்பட்டால் உடனடியாக மருத்துவரை அணுகவும்.

Leave A Reply